Windbreaker (Take II)

件事有180度改變，今日我同國章去DOS諗住落order，但係覺得他們的風褸的剪裁和比例都有d怪，於是到另一間o-zone睇睇，o-zone比較平，但款式認真少，又要成個月先起到貨，諗吓諗吓，不如買現成的。感謝主！行咗幾間，見到Blue Star呢件唔錯，仲有好多顏色揀(黑、深紅、粉紅、紫、橙、藍、粉藍、灰、卡其色)，每件都係$89，我買咗3件，星期五比大家睇吓。

又係揀顏色的時候，如果想揀其他色，請自己去Blue Star睇實物，如果分歧太大，當然又係我揸主意啦！

至於Logo，我問過o-zone，絲網印20件要$800，即係$40件，晚堂多數唔會同我哋夾，即係要$80件，係咩太離譜呢？大家點睇？

改良後的Logo

風褸這件事已經拖了好耐喇，天氣又漸漸轉涼，係時候決定喇！而且依家落order，都12月中先有得攞。所以CEO大膽揸主意，決定和晚堂夾份造20件風褸。

顏色

原本想弟兄著黑色，姊妹著紅色/深紅色(見下圖)，不過，由於晚堂決定全部著黑色，就算加錢轉色都要10件先肯做，所以，如果大家冇異議，我們都全部要黑色。

款式

好難形容，見下圖類似款式。

M1855：有袋、手袖可拆除變成短袖風褸。

Logo

由於質料不同，logo的絲網需要重造，當然又要比錢啦，依家的logo如果印在後面又ugly又睇唔到，如果縮細印在左上方就好似校徽，又係ugly啦。所以CEO整左個咁樣的logo，可以同晚堂一齊用，大家睇下滿唔滿意？(註：唔滿意都冇得改，除非你自己設計一個啦！)

尺碼
XS-Candy，M-Bobo, Bebe, Miu, Cyrus & Cormond, L-Tom & Man, XL-Paul, XXL-Webster (如要大件ｄ，請早揚聲)

價碼：95折後約190元